ನಾವುಬೀರಿರುವಪರಿಣಾಮ

ತ್ಯಾಜ್ಯ ಆಯುವವರು ನಗರದ ನಿವಾಸಿಗಳು ಎಂದು ಅಧಿಕೃತವಾಗಿ ಗುರುತಿಸುವ ಸಲುವಾಗಿ ನಗರ ಸ್ಥಳೀಯ ಸಂಸ್ಥೆಗಳು ಅಥವಾ ಮುನಿಸಿಪಲ್ ಪ್ರಾಧಿಕಾರಗಳು ಅವರಿಗೆ ಔದ್ಯೋಗಿಕ ಗುರುತಿನ ಕಾರ್ಡುಗಳನ್ನು ನೀಡಿವೆ. ಈ ಕಾರ್ಡುಗಳು ಅವರ ಅಧಿಕೃತ ಗುರುತಾಗಿ ಕೆಲಸ ಮಾಡುತ್ತವೆ, ಇತರ ಸಾಮಾಜಿಕ ಭದ್ರತೆಗಳಿಗಾಗಿ ಅರ್ಜಿಯನ್ನು ಸಲ್ಲಿಸುವಾಗ ಇವು ವಿಳಾಸದ ಪುರಾವೆಗಳಾಗಿ ಬಳಕೆಯಾಗುತ್ತವೆ. ಇವುಗಳಿಂದ ಅವರಿಗೆ ಸಾರ್ವಜನಿಕ ಸ್ಥಳಗಳಿಗೆ ಪ್ರವೇಶ ದೊರಕುತ್ತದೆ. ಅವರು ನಗರಕ್ಕಾಗಿ ಮಾಡುತ್ತಿರುವ ಕೆಲಸವು ಗುರುತಿಸಲ್ಪಡುತ್ತದೆ.

ತ್ಯಾಜ್ಯ ಆಯುವವರ ಮಕ್ಕಳಲ್ಲಿ ಹಲವರು ಮೊದಲ ಪೀಳಿಗೆಯ ವಿದ್ಯಾರ್ಥಿಗಳು. ಶಾಲೆಗೆ ಹೋಗುವ ಅವಕಾಶಗಳಿಲ್ಲ, ಜೊತೆಗೆ ಕುಟುಂಬದ ಆದಾಯಕ್ಕೆ ಪೂರಕವಾಗುವ ಹಾಗೆ ಮಕ್ಕಳೂ ದುಡಿಯಬೇಕಾಗುತ್ತದೆ. ಈ ಕಾರಣಕ್ಕಾಗಿ ಮಕ್ಕಳು ಶಾಲೆಗೆ ಸೇರುತ್ತಿರಲಿಲ್ಲ; ಸೇರಿದ್ದರೂ ಮಧ್ಯದಲ್ಲಿ ಬಿಟ್ಟುಬಿಡುತ್ತಿದ್ದರು. ಬುಗುರಿ ಮಕ್ಕಳ ಕಾರ್ಯಕ್ರಮವು ಶಾಲೆಯಿಂದ ಹೊರಗಿರುವ ಮಕ್ಕಳನ್ನು ಗುರುತಿಸಿ ಅವರ ಶಾಲೆಗೆ ದಾಖಲು ಮಾಡಿಸುತ್ತದೆ; ಶಾಲೆಯನ್ನು ಮಧ್ಯದಲ್ಲಿ ಬಿಟ್ಟ ಮಕ್ಕಳನ್ನೂ ಮರುದಾಖಲೆ ಮಾಡಿಸುತ್ತದೆ. “ಪ್ರತಿ ಮಗುವೂ ಶಾಲೆಯಲ್ಲಿ” ಎಂಬ ಧ್ಯೇಯ ಇದಾಗಿದೆ.

ಸರಕಾರಿ ಶಾಲೆಗಳಲ್ಲಿಯೂ ಆಗುವ ಕೆಲವು ಸಾಂದರ್ಭಿಕ ವೆಚ್ಚಗಳನ್ನು ಸರಕಾರವು ಭರಿಸುವುದಿಲ್ಲ. ಆದ್ದರಿಂದ ’ಸ್ವಚ್ಛಗೊಳಿಸುವ ಕೆಲಸ ಮಾಡುತ್ತಾ ಆರೋಗ್ಯ ಸಂಕಷ್ಟಗಳಿಗೆ ಗುರಿಯಾಗಬಹುದಾದ ಉದ್ಯೋಗಗಳಲ್ಲಿ ನಿರತರಾಗಿರುವ ಪೋಷಕರ ಮಕ್ಕಳು ಮ್ಯಾಟ್ರಿಕ್ ಪೂರ್ವ ವಿದ್ಯಾರ್ಥಿ ವೇತನಗಳಿಗೆ ಅರ್ಥರಾಗುವಂತೆ ಮಾಡಲು” ಹಸಿರು ದಳ ಆಂದೋಲನವನ್ನು ಮಾಡಿತು. ಮಕ್ಕಳು ಶಾಲೆಗಳನ್ನು ಸೇರಲು ಅನುಕೂಲವಾಗುವಂತೆ ವಿದ್ಯಾರ್ಥಿವೇತನಗಳನ್ನು ನೀಡಲು ಸಾಧ್ಯವಾಗುವಂತೆ ಖಾಸಗಿ ಮತ್ತು ಇತರ ಧನಸಹಾಯ ಪಡೆಯುವ ಪ್ರಯತ್ನವನ್ನೂ ಮಾಡಲಾಗುತ್ತಿದೆ.

ಅನೌಪಚಾರಿಕ ವಲಯದಲ್ಲಿ ದುಡಿಯುವವರಿಗೆ, ಸಾಮಾಜಿಕ ಭದ್ರತಾ ಹಕ್ಕುಗಳು, ದಿನಗೂಲಿ ಮತ್ತು ಬದುಕಲು ಬೇಕಾದ ಕನಿಷ್ಟ ಆದಾಯಗಳು ಇವುಗಳ ನಡುವಿನ ಕಂದಕವನ್ನು ಮುಚ್ಚುತ್ತವೆ. ಅವರಾಡುವ ಭಾಷೆ ಮತ್ತು ಡಿಜಿಟಲ್ ಅಡೆತಡೆಗಳು ತ್ಯಾಜ್ಯ ಅಯುವವರು(ಮತ್ತು ಅವರ ಕುಟುಂಬಗಳು) ಸಾಮಾಜಿಕ ಭದ್ರತೆ ಅಧಿಕಾರಗಳನ್ನು ಬಳಸುವಲ್ಲಿ ಅಡ್ಡಿಯಾಗುತ್ತವೆ. ಹಸಿರು ದಳ, ಇಲ್ಲಿ ಕಾರ್ಯಾಚರಣೆ ನಡೆಸಿ, ಪ್ಯಾನ್ ಕಾರ್ಡು, ಆಧಾರ್ ಕಾರ್ಡುಗಳಿಗೆ ಅರ್ಜಿ ಸಲ್ಲಿಸುವುದು, ಪಿಂಚಣಿಗಳು ಮತ್ತು ಇತರ ಕಾರ್ಯಯೋಜನೆಗಳ ಪ್ರಯೋಜನಗಳು ಇವರಿಗೆ ದಕ್ಕುವಂತೆ ಮಾಡುತ್ತಿದೆ.