ಸಾಮಾಜಿಕ ಭದ್ರತೆ

ಹಸಿರು ದಳ ಯಾವುದೇ ನಗರದಲ್ಲಿ ಕೆಲಸ ಮಾಡಲಿ, ನಮ್ಮ ಮೊದಲ ಹೆಜ್ಜೆ ಎಂದರೆ ತ್ಯಾಜ್ಯ ಆಯುವವರಿಗೆ ಗುರುತಿನ ಚೀಟಿಯನ್ನು ನೀಡುವ ಬೇಡಿಕೆಯೊಂದಿಗೆ ಸ್ಥಳೀಯ ಸರಕಾರವನ್ನು ಭೇಟಿಯಾಗುವುದು.

ನಾವು ಸರಕಾರದ ಮಾನ್ಯತೆ ಇರುವ ಔದ್ಯೋಗಿಕ ಗುರುತು ಕಾರ್ಡುಗಳಿಂದ ಅರಂಭಿಸುವುದರಿಂದ ತ್ಯಾಜ್ಯ ನಿರ್ವಹಣೆಯ ವ್ಯವಸ್ಥೆಯಲ್ಲಿ ಯಾವುದೇ ನಗರದಲ್ಲಿ ತ್ಯಾಜ್ಯ ಆಯುವವರ ಕೊಡುಗೆ ಏನು ಎಂಬುದರ ಕಡೆಗೆ ಅವರ ಗಮನ ಸೆಳೆದಂತೆಯೂ ಆಗುತ್ತದೆ. ಅವರ ಸೇವೆಯಿಂದ ನಗರದ ಸರಕಾರಕ್ಕೆ ಎಷ್ಟೊಂದು ಹಣ ಉಳಿಯುತ್ತದೆ ಮತ್ತು ಪುನರುತ್ಪಾದನೆ ಮಾಡುವ ಮೂಲಕ ವಾಯುಗುಣ ಬದಲಾವಣೆಯ ಅನಾಹುತವನ್ನು ಕಡಿಮೆ ಮಾಡುವತ್ತ ಸಹಾಯಕವಾಗುತ್ತದೆ ಎಂಬುದನ್ನು ಅರ್ಥ ಮಾಡಿಸುವುದೂ ನಮ್ಮ ಉದ್ದೇಶವಾಗಿರುತ್ತದೆ.

ಬಿಬಿಎಂಪಿ ನೀಡಿರುವ ಔದ್ಯೋಗಿಕ ಗುರುತು ಕಾರ್ಡುಗಳ ಮೇಲೆ ನಗರದ ಲಾಂಛನ ಮತ್ತು ಆಯುಕ್ತರ ಸಹಿಯ ಜೊತೆಯಲ್ಲಿ ಹಿಂಬದಿಯಲ್ಲಿ ಹಸಿರು ದಳದ ಲಾಂಛನವಿರುತ್ತದೆ. ಇದರ ನಂತರ, ಹಸಿರು ದಳ, ಇತರ ಸಮಾನಮನಸ್ಕ ಸಂಸ್ಥೆಗಳೊಂದಿಗೆ ಶ್ರಮಿಸಿ ಇದನ್ನು ರಾಷ್ಟ್ರೀಯ ಘನ ತ್ಯಾಜ್ಯ ನಿರ್ವಹಣೆ ನಿಯಮಗಳು, 2016ರಲ್ಲಿ ಒಂದು ನಿಬಂಧನೆಯಾಗುವ ಹಾಗೆ ಮಾಡಿದೆ. ಔದ್ಯೋಗಿಕ ಗುರುತು ಕಾರ್ಡುಗಳು ತ್ಯಾಜ್ಯ ಆಯುವವರಿಗೆ ಸಾಮಾಜಿಕ ಭದ್ರತೆಯ ಅಧಿಕಾರಗಳನ್ನು ಬಳಸಿಕೊಳ್ಳುವಲ್ಲಿ ಮತ್ತು ಅದರಿಂದ ಸಾಮಗ್ರಿಯ ಲಾಭವನ್ನು ಪಡೆಯುವುದಕ್ಕೆ ಬಾಗಿಲು ತೆರೆಯುತ್ತವೆ.

ಎರಡನೆ ಹಂತ ಎಂದರೆ ತ್ಯಾಜ್ಯ ಆಯುವವರಿಗೆ ನಿವಾಸ/ಮನೆ ವಿಳಾಸದ ಪುರಾವೆಯನ್ನು ಸ್ಥಾಪಿಸಲು ಸಹಾಯ ಮಾಡುವುದು.

ಮೂರನೆ ಹಂತ, ರಾಜ್ಯದ ಇತರ ಎಲ್ಲ ಬಡವರಿಗೆ ಲಭ್ಯವಿರುವ ವಿವಿಧ ಯೋಜನೆಗಳನ್ನು ಗುರುತಿಸಿ, ಅವುಗಳಿಗೆ ಅರ್ಜಿಯನ್ನು ಸಲ್ಲಿಸುವಂತೆ ಮಾಡುವ ಮೂಲಕ ತ್ಯಾಜ್ಯಾ ಆಯುವವರಿಗೆ ಅವುಗಳ ಲಾಭ ಪಡೆಯಲು ನೆರವಾಗಿದ್ದು. ಪ್ರತಿಯೊಬ್ಬರಿಗೂ ಎಲ್ಲ ಯೋಜನೆಗಳ ಲಾಭ ದೊರೆಯುವುದಿಲ್ಲ. ಯೋಜನೆಗಳು ಕೆಲವು ಮಾನದಂಡಗಳನ್ನು ಆಧರಿಸಿ ಇರುತ್ತವೆ- ಅವು ವಯಸ್ಸು, ಶಾರೀರಿಕ ಅಸಾಮರ್ಥ್ಯ, ಲಿಂಗ, ಜಾತಿ, ಆದಾಯ ಅಥವಾ ವೈಧವ್ಯ ಇತ್ಯಾದಿಗಳನ್ನು ಅವಲಂಬಿಸಿ ಇರುತ್ತವೆ, ಮತ್ತು ಪ್ರತಿಯೊಂದು ಯೋಜನೆಗೂ ಯಾರೂ ಎಲ್ಲ ಮಾನದಂಡಗಳನ್ನು ಪೂರೈಸಲು ಸಾಧ್ಯವಿಲ್ಲ. ಆದಾಗ್ಯೂ ಒಬ್ಬ ತ್ಯಾಜ್ಯ ಆಯುವ ವ್ಯಕ್ತಿ ಅಥವಾ ಅವರ ಕುಟುಂಬದ ಸದಸ್ಯರು ಸರಾಸರಿ, ಕನಿಷ್ಟ 4-8 ಯೋಜನೆಗಳ ಲಾಭ ಪಡೆಯಬಹುದು.

ತ್ಯಾಜ್ಯ ಆಯುವವರಿಗೆ ವಿಶಿಷ್ಟವಾಗಿ ಸಂಬಂಧಿಸಿದ ಯೋಜನೆಗಳು ಎಂದರೆ, ವರ್ಷಕ್ಕೆ ರೂ.3,500 ನೀಡುವ ಶೈಕ್ಷಣಿಕ ವಿದ್ಯಾರ್ಥಿವೇತನ. NSKFDC (ನ್ಯಾಷನಲ್ ಸಫಾಯಿ ಕರ್ಮಚಾರಿ ಡೆವಲೆಪ್ಮೆಂಟ್ ಕಾರ್ಪೊರೇಷನ್-ನ್ಯಾಷನಲ್ ಸ್ಯಾನಿಟೇಷನ್ ವರ್ಕರ್ಸ್ ಕಮಿಷನ್) ತ್ಯಾಜ್ಯ ಆಯುವವರಿಗೆ ಮತ್ತು ಅವರ ಮಕ್ಕಳಿಗೆ ವಿಶೇಷವಾದ ತರಬೇತಿ, ಶೈಕ್ಷಣಿಕ ಮತ್ತು ಔದ್ಯಮಿಕ ಸಾಲಗಳನ್ನು ನೀಡುತ್ತದೆ.

ತ್ಯಾಜ್ಯ ಆಯುವವರ ಮಕ್ಕಳಿಗೆ ತರಬೇತಿ ಮತ್ತು ತ್ಯಾಜ್ಯ ವಲಯದಲ್ಲಿಯೇ ವೃತ್ತಿಪರ ಕೆಲಸಗಳನ್ನು ತೆಗೆದುಕೊಳ್ಳಲು ಸಾಧ್ಯವಾಗುವಂತೆ ತ್ಯಾಜ್ಯ ಆಯುವವರ ಕೌಶಲ ವೃದ್ಧಿ ತರಬೇತಿಗಳನ್ನು ನಿಯತವಾಗಿ ಹಸಿರು ದಳವೇ ನೇರವಾಗಿ ಅಥವಾ ಇತರ ಸಂಸ್ಥೆಗಳ ಸಹಯೋಗದೊಂದಿಗೆ ನಡೆಸುತ್ತದೆ. ರಾಷ್ಟ್ರೀಯ ಮತ್ತು ರಾಜ್ಯ ಮಟ್ಟದಲ್ಲಿ ಸಾಮಾಜಿಕ ಭದ್ರತೆಯ ನೀತಿಯ ನಿಟ್ಟಿನಲ್ಲಿ ಹಸಿರು ದಳ ರಾಷ್ಟ್ರ ಮಟ್ಟದಲ್ಲಿ ಅಲಯನ್ಸ್ ಆಫ್ ಇಂಡಿಯನ್ ವೇಸ್ಟ್ ಪಿಕರ್ಸ್ ಮತ್ತು ರಾಜ್ಯ ಮಟ್ಟದಲ್ಲಿ ಹಲವು ಸಂಘಟನೆಗಳ ಜೊತೆ ಕೆಲಸ ಮಾಡುತ್ತದೆ.

ಕೋವಿಡ್-19ನಂಥ ವಿಶೇಷ ಸಂದರ್ಭದಲ್ಲಿ ಬಿಕ್ಕಟ್ಟಿನಲ್ಲಿರುವ ಸಮುದಾಯಕ್ಕೆ ಬೆಂಬಲವನ್ನು ನೀಡಲು ಪರಿಹಾರ ಚಟುವಟಿಕೆಗಳನ್ನೂ ನಡೆಸಲಾಯಿತು.